Татарстан Журналистлар берлегенең Нурлат әгъзалары очрашуда катнашты

2024 елның 20 декабре, җомга

Декабрьдә Россиядә иң борынгы һәм Татарстанда иң зур иҗади иҗтимагый берләшмәнең – Татарстан Республикасы Журналистлар берлегенең оешу көне билгеләп үтелә. Гасырдан артык тарихы булган берлек журналистларның төрле буыннарын берләштерә.

Шушы көннәрдә республиканың төрле районнарында яшәүче Татарстан Журналистлар берлеге әгъзалары очрашты. Анда Нурлаттан җирле бүлекчә җитәкчесе Резеда Гиняева һәм Сәкинә Хәйруллина катнашты. Резеда Әкрәм кызы һәм Сәкинә Нурулла кызы - бөтен гомерләрен җирле массакүләм мәгълүмат чараларын үстерүгә багышлаган талантлы журналистлар.