Хөрмәтле нурлатлылар!
Татарстан Республикасы Нурлат муниципаль районы Башкарма комитеты Яңа ел бәйрәменә әзерлек кысаларында Яңа елга территорияләрне иң яхшы бизәү буенча конкурс уздыруы турында игълан итә.
- Максат: бәйрәм рухы тудыру һәм халыкны тирә-юньне бизәүдә актив катнашуга җәлеп итү.
- Конкурсны үткәрү вакыты: 2024 елның 6 декабреннән - 25 декабрьгә кадәр.
- Катнашуга гаризалар кабул итү: 2024 елның 20 декабренә кадәр.
- Нәтиҗәләр ясау: 2024 елның 25 декабренә кадәр.
Конкурста катнашу өчен объектның адресын, контакт мәгълүматларын һәм Яңа елга бизәлгән объектның фотосурәтләрен күрсәтеп, заявка тапшырырга кирәк. Гаризаны түбәндәге ысул белән җибәрергә мөмкин:
- Электрон почта аша: Gorod.Nurlat@mail.ru
- Шәхси заявканы түбәндәге адрес буенча тапшырырга мөмкин: Нурлат шәһәре, Совет урамы, 117 йорт, район Башкарма комитеты бинасы, 2 кат, 21нче кабинет.
Белешмәләр өчен телефон: 8 (84345) 2-90-48
Ишегалдын, урамны яки йортыгызны бизәп кабатланмас бәйрәм атмосферасы тудыру мөмкинлеген кулдан ычкындырмагыз!
Конкурс Башкарма комитетның "Нурлат муниципаль районында һәм Нурлат шәһәрендә иң яхшы Яңа ел бизәлешенә «Яңа ел-2025» район конкурсын үткәрү турында" 2024 елның 5 декабрендә кабул иткән 1471 номерлы карары нигезендә үткәрелә.