Узган атнада волейбол буенча шәһәр чемпионаты башланды

2024 елның 7 декабре, шимбә

Быел ул 5 команда катнашында уза: «Легион», «Түбән Нурлат», «Чулпан», «Сугышчан хәрәкәтләр ветераннары» һәм «Яшьлек» (Г.С. Хөсәенов исемендәге спорт мәктәбендә шөгыльләнүчеләр).

Узган еллардан аермалы буларак, быел чемпионатның барлык уеннары «Тулпар» спорт сараенда уза.

Якшәмбе көннәрендә матчлар 10.00 һәм 11.30 да башлана. Ярышларның баш хөкемдары Вячеслав Лобов хәбәр иткәнчә, чемпионат ике әйләнештә узачак, җиңүчеләр апрельдә билгеле булачак.