Нурлат бердәмроссиялеләрен төбәк бүлеге конференциясендә бүләкләделәр
Бүген "Бердәм Россия" партиясенең Нурлат җирле бүлекчәсе секретаре Дамир Ишкинеев җитәкчелегендәге делегация партиянең Татарстан төбәк бүлекчәсенең XXXVII конференциясендә катнашты. Конференция К.Тинчурин исемендәге Татар дәүләт театры бинасында узды.
Конференциядә Мәскәүдә узачак партиянең XXII съездына делегатлар сайладылар, якындагы чорга партиянең өстенлекле бурычларын карадылар, халык программасында һәм партия уставында үзгәрешләр һәм өстәмәләр. Конференция кысаларында Нурлат Бердәм Россиялеләре Нурлат муниципаль районы Советында "Бердәм Россия" фракциясе эшен оештыру турында сөйләделәр.
Конференциядә муниципаль берәмлекләрнең вәкиллекле органнарында депутат берләшмәләре эшен иң яхшы оештыруга республика конкурсына йомгак ясалды, «Бердәм Россия» активистларын бүләкләделәр һәм яңа әгъзаларга партбилетлар тапшырдылар. Бүләкләнүчеләр арасында Нурлат муниципаль районы Советында "Бердәм Россия" фракциясе җитәкчесе Иван Захаров, Нурлат шәһәре Советында партия фракциясе җитәкчесе Гүзәл Әһлиуллина һәм җирле бүлекчә башкарма секретаре Оксана Ермилова бар. Шулай ук Заречье авыл җирлеге башлыгы Людмила Еливановага партия билеты тапшырылды.