Комсомол оешуның 95 еллыгына багышланган республика чарасында Нурлат делегациясе дә катнаша

Делегация составында заманында “Нурлатнефть” НГДУсының комсомол секретаре булып эшләгән Шамил Яһудин,  комсомолның Нурлат-Октябрь райкомы  беренче секретаре Анатолий Дмитриев, Май заводы комсомол оешмасы секретаре Татьяна Казакова һәм  комсомол райкомының учет секторы мөдире Флера Морзаханова бар. Бүген Казанда узачак чараның  программасы киңкырлы. Казан шәһәре буенча экскурсия, веноклар салу планлаштырыла һәм кичке сәгать 5тә “Корстон” сәүдә-күңел ачу комплексында тантаналы чарага старт бирелә.