«Камыр Батыр» балалар бакчасыннан Раян Фәтхетдинов «Россия патриотлары» республика конкурсы җиңүчесе булды

2024 елның 10 ноябре, якшәмбе

Ул ике номинациядә чыгыш ясады: «Нәфис сүз» һәм «Патриотик җыр».

Яшь талант һәм патриот Раян Ватанга мәхәббәткә багышланган шигырьләр һәм җырлар башкарып, гаҗәеп сәләтләрен күрсәтте. Конкурс жюрисы аның чыгышларын югары бәяләде, тирән патриотизм һәм ихлас күңелдән сөйләвен билгеләп үтте.

Бу лаеклы җиңү Раянның остазлары Васькова Зинаида Алексеевна, Минһаҗева Эльвира Әхәт кызы һәм Сапожникова Марина Игоревнаның тырышып эшләве һәм ярдәм итүе нәтиҗәсе булды. Алар аңа конкурска әзерләнергә һәм аның иҗади потенциалын ачарга ярдәм иткәннәр.

Раянны җиңүе белән котлыйбыз һәм киләчәктә дә иҗат юлында уңышлар телибез!