Җир мөнәсәбәтләре өлкәсендә коррупциягә каршы көрәш турында
Коррупция иҗтимагый һәм дәүләт мәнфәгатьләренә җитди куркыныч тудыра.
Җир мөнәсәбәтләре өлкәсендә коррупциягә каршы торуда барлык кызыксынган затларга җир кишәрлекләре бирү процедурасының үтә күренмәлелеге, шулай ук документларны һәркем өчен бертигез шартларда узуның ачык тәртибен билгеләү мөһим фактор булып тора.
Нурлат муниципаль районы Башкарма комитеты тарафыннан муниципаль хезмәтләр муниципаль милектәге һәм дәүләт милке чикләнмәгән җир кишәрлекләре белән эш итү вәкаләтләрен үтәгәндә күрсәтелә. Коррупцияне кисәтү максатларында әлеге хезмәтләр турында гаризаларны «Минем документлар» күп функцияле үзәге аша бирергә мөмкин, бу мөрәҗәгать итүченең белгеч белән турыдан-туры элемтәсен киметергә, димәк, коррупция күренешләре мөмкинлеген бетерергә мөмкинлек бирә. Моннан тыш, муниципаль хезмәтләр күрсәтү ысуллары, тәртибе, сроклары һәм документлары турында тулы мәгълүмат МФЦда мәгълүмат стендында һәм «Дәүләт һәм муниципаль хезмәтләрнең (функцияләрнең) Бердәм порталы» мәгълүмат системасында www.gosuslugi.ru. урнаштырылган.
Шулай ук, җир кишәрлекләре бирү турындагы гаризаларны карау стадиясендә вәкаләтле орган дәүләт хакимияте органнары белән электрон ведомствоара хезмәттәшлек мөмкинлегеннән файдалана, бу исә муниципаль хезмәт күрсәтү өчен кирәкле документларны мөрәҗәгать итүчеләрне җәлеп итмичә генә таләп итәргә мөмкинлек бирә.
Җир кишәрлекләрен бирү, Россия Федерациясе Җир кодексында билгеләнгән очраклардан тыш, аукцион рәвешендә үткәрелә торган торгларда гамәлгә ашырылганга күрә, аларны үткәрү турындагы мәгълүмат Россия Федерациясенең рәсми сайтында www.torgi.gov.ru. бастырып чыгарыла.
Коррупциягә каршы белемнәрне арттыру максатларында, вәкаләтле органның мәгълүмат стендында җир мөнәсәбәтләре өлкәсендә хезмәт күрсәтүче муниципаль хезмәткәрләр тарафыннан коррупция фактлары ачыклану турында гражданнардан хәбәрләр өчен коррупция турында белешмәләр һәм «Ышаныч телефоннары» номерлары урнаштырылган.
«Татарстан Республикасы Нурлат муниципаль районының Мөлкәт һәм җир мөнәсәбәтләре палатасы» муниципаль казна учреждениесе