Нурлаттан хәрби хезмәткә алынучыларның чираттагы төркеме армиягә китте
Бүген хәрби комиссариатта хәрби хезмәткә озату тантанасы булды.
РФ Кораллы Көчләре сафларын 14 нурлатлы тулыландырды. Нурлат егетләрен армиягә Нурлат районы Башлыгы Дамир Ишкинеев, район хәрби комиссары Заһир Абдуллин, авыл җирлекләре башлыклары, туганнары, дуслары озатты. Алар балаларга лаеклы, намуслы хезмәт итүләрен теләделәр, Нурлат районы турында нәкъ менә алар буенча фикер йөртәчәкләр бит.
"Һәр ир-ат бу тормыш мәктәбен узарга тиеш. Армия һәр ир-ат тормышында мөһим роль уйный. Ул характерны һәм ихтыярны формалаштыра, кыенлыклардан куркырга кирәкми. Сезне бер елдан соң өйләрегезгә әйләнеп кайтуыгызны көтәбез. Армиядә хезмәт итү чоры сезнең тормышыгызда иң яхшы эпизодларның берсе булыр, дип ышанам. Намус белән хезмәт итегез, егетләр!",- диде Дамир Азат улы.
Ватанны саклаучылар сафына басарга тиешле егетләргә карата бик күп хәер-фатиха сүзләре яңгырады.
"Сезнең хәрби бурычыгызны намус белән үтәп, бер елдан туган шәһәребезгә әйләнеп кайтачагыгызга ышанам, биредә сезне туганнарыгыз һәм якыннарыгыз көтә. Лаеклы хезмәт итегез, якташларыгыз белән бергә булырга тырышыгыз. Хәерле юл, сезгә, егетләр!", – дип теләде Заһир Кәримович.