Нурлатлылар көзге өмәгә чыкты
Бүген Нурлат шәһәрендә көзге өмә уза.
Сәламәтлек саклау, мәгариф учреждениеләре, нефтьчеләр һәм башка тармак вәкилләре бүген үз территорияләрен тәртипкә китерү өчен өмәгә чыктылар.
"Бүген без «Урманнарны саклыйк» акциясен үткәрдек һәм Совет урамы буенда 50 алмагач утырттык, предприятие территориясендә һәм алма бакчасында өмә үткәрдек. Мондый чараларга коллектив бик теләп, аның мөһимлеген аңлап чыга", - диде тампонаж һәм эретү сервисы үзәге профкомы рәисе Светлана Растворова.
Нурлат өлкәннәр һәм инвалидлар интернат-йорты хезмәткәрләре дә өмәдән читтә калмады.
«Без көзге өмәгә чыктык, кырауларга кадәр, кар яуганчы коелган яфракларны, ботакларны җыярга, безнең яшәүчеләргә биредә йөрү күңелле булсын өчен тәртип урнаштырабыз», – диде ДИПИ тәрбиячесе Надежда Таймуллина.
Нурлат үзәк район хастаханәсе хезмәткәрләре дә өмәгә яхшы кәеф белән чыктылар. Биредә билгеләп үтелгәнчә, алар атнага ике тапкыр үз территорияләрендә җыештыралар. Ә көзге өмә аны тәртипкә китерү өчен тагын бер сәбәп булды.