Нурлатлыларны «Кабак – бакча кояшы» район фестивалендә катнашырга чакыралар
Фестиваль 1 ноябрьдә Нурлат шәһәренең Халыклар дуслыгы йортында узачак.
Анда теләгән һәркем катнаша ала.
"Кабак – бакча кояшы” V район иҗат фестивале түбәндәге номинацияләр буенча узачак: “Кабак – бакча патшабикәсе” зур кабак күргәзмәсе, «Нурлат кабагы» гастрономия күргәзмәсе, «Кабак модасы» тематик костюмнар дефилесы.
Катнашуга гаризаларны 2024 елның 28 октябренә кадәр Нигезләмәдә күрсәтелгән электрон адреслар буенча җибәрергә кирәк.
Фестивальнең оештыручысы: Нурлат муниципаль районының «Мәдәният үсеше үзәге» МБУ.
Фестиваль йомгаклары буенча җиңүчеләр дипломнар һәм призлар белән бүләкләнәчәк. Катнашучыларга сертификатлар тапшырыла. Төп бүләкне «Кабак – бакча патшабикәсе» номинациясендә катнашучы алачак, иң зур кабак билгеләнәчәк.
Фестиваль 14.00 сәгатьтә башлана.
Фото - "Нурлат-информ" архивыннан