Дамир Ишкинеев нурлатлыларны Әтиләр көне белән котлады
Хөрмәтле нурлатлылар! Барыгызны да Әтиләр көне белән котлыйм!
Әти булу - һәр ир-атның иң югары максаты. Гаиләдә әти элек-электән яклаучы, акыллы киңәшче, төп таяныч, балалар өчен үрнәк, өлкән буын өчен ышанычлы ярдәм. Безнең ата – бабаларыбыз сугыш кырларында Ватанны сакладылар, тынычлык урнаштырдылар һәм илебезнең һәм гаиләләребезнең киләчәге өчен тырыштылар.
Бу көнне аерым рәхмәт сүзләре – хәзер махсус хәрби операциядә катнашкан, бүген гаиләләреннән еракта булган ир-атларга. Аларның балалары хаклы рәвештә әтиләре белән горурлана ала!
Хөрмәтле ирләр, кадерле әтиләр! Сезгә һәм сезнең ышанычлы тылыгызга – гаиләләрегезгә иминлек һәм игелек телим! Сез – таяныч та, горурлык та, көч тә, яклаучы да! Сәламәтлек, бәхет һәм иминлек сезгә!
Әти – гаиләсенең ышанычлы яклаучысы һәм таянычы, балалар өчен батырлык, җаваплылык, тырышлык үрнәге. Әтиләрегезне хөрмәт итеп, яратып яшәгез!
Нурлат муниципаль районы һәм Нурлат шәһәре Башлыгы Дамир Ишкинеев