Нурлат аграр техникумы коллективы республика ярминкәсендә җиңүче булды
Нурлатлылар «Ярминкә урынын иң яхшы бизәү өчен» номинациясендә диплом белән бүләкләнде.
Шимбә көнне Казан шәһәрендә узган «Осталар шәһәре – 2024» республика авыл хуҗалыгы продукциясе һәм техник иҗат эшләнмәләре ярминкәсендә Нурлат районы делегациясе составында Нурлат аграр техникумы да үз экспозициясен күрсәтте.
"Нурлат крае - кабак җәннәте" дип аталган экспозиция барлык кунакларның игътибарын җәлеп итте, кабак композицияләре: кешеләр фигуралары һәм әкияти, мультипликацион персонажлар, аерым бизәлгән кабаклар һәм бөтен ишегаллары аеруча кызыксыну уятты.
Кабакларны бизәү өстендә ата-аналары белән студентлар да, хезмәткәрләре белән бергә техникум администрациясе дә хезмәт куйган. Уртак тырышлык жюриның югары бәясен алды: Нурлат аграр техникумы «Ярминкә урынын иң яхшы бизәү» номинациясендә җиңүче булды.