Дамир Ишкинеев мәктәпкәчә белем бирү хезмәткәрләрен һөнәри бәйрәмнәре белән котлады
Хөрмәтле Нурлат муниципаль районының мәктәпкәчә белем бирү системасы хезмәткәрләре һәм ветераннары!
Һөнәри бәйрәмегез уңаеннан чын күңелдән котлауларымны белән кабул итегез! Мәктәпкәчә чор – бала тормышында аеруча мөһим һәм җаваплы вакыт. Бу яшьтә шәхес формалаша һәм сәламәтлеккә нигез салына. Һәр баланың имин балачагы һәм киләчәк язмышы тәрбияченең зирәклегенә, сабырлыгына, баланың эчке дөньясына игътибарына бәйле.
Сабыр, назлы, җылы һәм балаларыбыз турында кайгыртучан булуыгыз өчен Сезгә рәхмәт белдерәм. Сезнең игелегегез, сизгерлегегез һәм югары педагогик осталыгыгыз балалар бакчасында тәрбияләнүчеләрнең һәр көнен шатлык һәм бәхет көненә әйләндерер дип ышанам!
Фидакарь хезмәтегез, сайлаган һөнәрегезгә тугрылыгыгыз өчен чын күңелемнән рәхмәт әйтәм. Сезгә һәм якыннарыгызга сәламәтлек, иминлек, оптимизм, тынычлык, бәхет телим!
Нурлат муниципаль районы һәм Нурлат шәһәре Башлыгы Дамир Ишкинеев