Дамир Ишкинеев гражданнарны кабул итте

2024 елның 26 сентябре, пәнҗешәмбе

«Бердәм Россия» партиясенең Нурлат җирле бүлекчәсе сәркатибенә ике нурлатлы мөрәҗәгать итте.

Бүген Нурлат муниципаль районы башлыгы, «Бердәм Россия» партиясенең җирле бүлекчәсе секретаре Дамир Ишкинеев гражданнарны кабул итте.

Кабул итүгә ике нурлатлы мөрәҗәгать итте.

Махсус хәрби операциядә катнашучының әнисе торак йортка керү юллары сыйфаты белән бәйле проблеманы хәл итүдә ярдәм күрсәтүне сорады. Дамир Азат улы бу мөрәҗәгатьне шәхси контрольгә алды. 

Икенче сайлаучыны берьюлы берничә сорау борчый. Бу-гаражлар төзүгә рөхсәтне торгызу, Бакиров һәм Андронов урамнарындагы юлларны ремонтлау, үзара салым акчасына канализация төзү. Беренчесе урында ук уңай хәл ителде, өченчесе буенча аңлатмалар һәм консультация бирелде, икенчесе эшкә алынды.