Татарстан башкаласында Нурлат районы мәдәнияте көне узачак

2024 елның 25 сентябре, чәршәмбе

8 октябрьдә Казанда Ленин исемендәге Мәдәният сараенда Нурлат районы мәдәният көне узачак.

16 сәгатьтән фойеда, мастер-класслар, милли ашлар күргәзмәләре оештырылачак, ә 17 сәгатьтә тамашачыларны бәйрәм концертына чакырачаклар.

Татарстан районнары мәдәнияте көннәре «Татарстанның мәдәни башкаласы» конкурсы кысаларында үткәрелә.

Конкурс Татарстан Республикасы Рәисе Рөстәм Миңнеханов әмере буенча 22 апрельдән 1 ноябрьгә кадәр төрле мәйданчыкларда уздырыла. Быел ул Россиядә игълан ителгән Гаилә елына багышлана.