Нурлат бердәмросслары XIV съезд нәтиҗәләре хакында сөйләште

Бүген, 18 октябрьдә, “Бердәм Россия” сәяси партиясенең Нурлат җирле бүлекчәсе сәяси советының киңәйтелгән утырышы үтте. Аның эшендә ТР Дәүләт Советы депутаты, региональ сәяси Совет әгъзасы Марат Хәйруллин катнашты. Ул утырышта катнашучыларга партиянең күптән түгел Мәскәүдә булып узган  XIV съездында күтәрелгән төп мәсьәләләр хакында сөйләде, алда торган бурычларга тукталды. Ә бурычлар җитди – күппартиялелек шартларында  партия һәм, әлбәттә инде,  җирле һәм башлангыч оешмалар алдына да җитди бурычлар куела. Алда торган сайлаулар исә  җирле оешмалардан шулай ук оешканлык һәм җитди караш таләп итәчәк. Аларга әзерлек тулы куәтенә бара инде. Киңәйтелгән утырышта да 15 декабрьдә үтәчәк өстәмә сайлауларга районның муниципаль берәмлекләренең вәкиллекле органнарына депутатлыкка кандидатлар тәкъдим ителде. Болар – Биляр Озеро округы буенча Татьяна Николаева, Нурлат – Совет округы буенча Равил Кузюров, Нурлат-Завод округы буенча  Илфат Гәрәев. Шунда ук җирле бүлекчәнең XVIII конференциясенең II этабын үткәрү көне дә сайланды, ул 1 ноябрьгә билгеләнде. Утырышта шулай ук агымдагы мәсьәләләр дә каралды.