Нурлаттан 87 яшьлек сайлаучы иртәдән үк үз участогына ашыкты

2024 елның 8 сентябре, якшәмбе

"Башкача ничек инде! Гомерем буе сайлауларга йөрим, бүген шундый мөһим вакыйганы күрми кала ала идеммени. Без илебезнең киләчәген сайлыйбыз, димәк, үз киләчәгебезне дә сайлыйбыз, чөнки биредә безнең балаларыбыз, оныкларыбыз яшәячәк", - дип уртаклашты өлкән яшьтәге сайлаучы.

Хәсән Хәйрулла улы лаеклы ялга чыкканчы озак еллар шикәр заводында эшләгән. Бүген балалары, оныклары, оныкчыклары уңышларына сөенеп гомер итә.

"Димәк, тормыш дәвам итә. Ә аның нинди булуы безнең бүгенге сайлауга бәйле", - диде Хәсән Тямаев.