Нурлатта Бердәм тавыш бирү көнендә авыл хуҗалыгы ярминкәсе оештырылды
Иртәдән Нурлат шәһәренең Кооператив урамында сәүдә кызу бара: шәхси ярдәмче хуҗалыклар, авыл хуҗалыгы предприятиеләре, кооперативлар, шәхси эшмәкәрләр шәһәр халкына продукциянең киң ассортиментын тәкъдим итәләр. Бәрәңгедән алып бакчаларда үстерелгән татлы карбыз һәм төрле сортлы виноградка кадәр барысы да бар.
Бикүле авылында яшәүче Минвасыл Садретдинов берничә дистә капчык бәрәңге алып кайткан. Шәхси ярдәмче хуҗалык башлыгы билгеләп үткәнчә, быел бәрәңге уңган.
"Бәрәңгене 40 сутыйда үстерәбез. Кичә генә бөтен уңышны казып алдык. Ә ул быел сөендерә, узган елга караганда ике тапкыр күбрәк. Иртүк берничә капчык саттым. Суганны да сатылды. Тагын сарымсак алып килдем, сатып алучылар табылыр дип уйлыйм. Барысы да табигый бит, үз участогыбыздан", - дип билгеләп үтте ул.
Ә менә Нурлат шәһәренең Кормыш микрорайонында яшәүче Руфия Хәбибуллина ярминкәгә үз бакчасыннан виноград алып килгән, күрше Кошки районыннан Елена Гришкина тәкъдим иткән карбыз, кура җиләге дә сатылган. Ит, бал, үсентеләр, сөт һәм ит продукциясе, яшелчәләр, себеркеләр…
"Оештыручыларга рәхмәт. Теләгәнең бар. Иртәнге 7дән ирем белән сайлауларга бардык һәм ярминкәгә килдек. Кәеф бәйрәмчә. Мин үзем Балык Бистәсе районыннан, Нурлатта 39 ел яшим. Ярый, тормыш хәзер бик яхшы. Барысы да бар, яшьләр өчен яхшы мөмкинлекләр. Һәм бүген, сайлауларга барып, без үзебезнең матур киләчәгебез өчен тавыш бирдек", - дип билгеләде ул.
Иртәдән ярминкәне оештыру белән Нурлат районы Башлыгы Дамир Ишкинеев танышты. Ә җирле артистларның чыгышлары шәһәр халкына бәйрәм кәефе бүләк итте.