Әхмәт авыл җирлегендә гражданнар җыены узды
Нурлат муниципаль районы Башлыгы Дамир Ишкинеев һәм Татарстанның Экология һәм табигый байлыклар министры Александр Шадриков катнашында Әхмәт авыл җирлегенең гражданнар җыены узды.
Әхмәт авыл җирлеге башлыгы, аңа 7 торак пункт керә – Аксумла, Әхмәт, Ерепкино, Чуаш Мәнҗесе, Осиновка, Чишмә һәм Әхмәт Тимер юл разъезды, Галина Лизратова агымдагы елның беренче яртыеллыгында башкарылган эшләр буенча хисап тотты. Ул сайланган депутатларның, алар монда 10, халык белән торак пунктларны төзекләндерү, көнкүреш һәм башка мәсьәләләр буенча эшчәнлеге турында сөйләде.
«Безнең авыл җирлегендә 1461 кеше яши. Шуларның 900е эшкә яраклы, 337е пенсия яшендәгеләр, 167е мәктәп укучылары, 58е мәктәпкәчә яшьтәгеләр», – диде ул. Хисап чорында җирлектә 2 бала туган.
Галина Лизратова җирлек территориясендәге учреждениеләрнең эшчәнлеге турында тәфсилле хисап бирде, сөйләде: биредә бер мәдәният йорты, биш фельдшер-акушерлык пункты, кибетләр һ.б. ә Әхмәт авыл җирлегендә 21 кече һәм урта эшкуар, 5 КФХ, «Дуслык» авыл хуҗалыгы җәмгыяте, авыл хуҗалыгы кооперативы, йөк ташу буенча 3 шәхси эшкуар һәм башкалар эшли. 516 шәхси ярдәмче хуҗалыкта 382 эре мөгезле терлек бар, шул исәптән 153 сыер.
Җирлек башлыгы шулай ук үзара салым һәм башка программалар буенча алып барыла торган эшчәнлек турында сөйләде.
Гражданнар җыенында район Башлыгы Дамир Ишкинеев районның социаль-икътисади хәле турында мәгълүмат бирде, урып-җыю барышы белән таныштырды. Шунда ук Дамир Азат улы авыл кешеләренең сорауларына җаваплар бирде. Алар, нигездә, юлларга һәм башка мәсьәләләргә кагылды.
Авыл кешеләренең шулай ук экология министры Александр Шадриков белән аралашу мөмкинлеге бар иде. Ул республика һәм федераль программалар һәм проектлар турында сөйләде.
Гражданнар җыены бүләкләү белән тәмамланды. Монда шәхси ярдәмче хуҗалык башлыгы Николай Сергеевка сыер саву аппаратын алуга сертификат тапшырылды, 64 ел бергә гомер итүче гаилә парлары Вагыйз Гаяз улы һәм Рәхидә Гарифулла кызы Дирдизовларга истәлекле бүләк тапшырылды. Алар 5 бала тәрбияләп үстергәннәр, 6 оныкларына һәм 7 оныкчыкларына сөенеп гомер итәләр.
Гражданнар җыенында шулай ук район Башкарма комитеты, төрле хезмәтләр вәкилләре катнашты.