Нурлатта традицион бал фестивале узды
Бүген шәһәрнең үзәк мәйданында бал фестивале кысаларында районның 25 умартачысы үз продукциясен тәкъдим итте.
Фестивальне оештыручылар әйтүенчә, сатып алучыларга алар 3 тоннага якын татлы ризык тәкъдим иткәннәр. Шәһәр халкы башка умарта продукциясен дә бик теләп сатып алган.
Мамык авыл җирлеге халкы да үз продукциясе белән сөендерде. Аларның сүзләренә караганда, алар фестивальгә алып килгән кәрәзле бал бүген аеруча популяр булган, шуңа күрә аны бик тиз алып бетергәннәр.
Фестивальдә умарталыкларын тәкъдим итүчеләр арасында Әлмәт авылыннан Гариповлар да бар иде.
"Мин умартачылар династиясеннән дип әйтергә була, минем бабамның да, әтиемнең дә умарталыгы бар иде. Хәзер мин аларның эшен дәвам итәм, балаларны да шуңа күнектерәм. Ярминкәгә 50 килограммнан артык бал алып килдек, барысын да сата алырбыз дип уйлыйбыз", - дип уртаклашты гаилә башлыгы Илнар Рәшит улы.
Сүз уңаеннан, нәкъ менә Гариповлар «Балның югары сыйфаты һәм умартачылык продукциясенең киң ассортименты» номинациясендә фестивальдә җиңүчеләр булдылар. Бүләкне гаилә башлыгына район башлыгы Дамир Ишкинеев “Театр" скверы сәхнәсендә тапшырды.
«Умартачыларның гаилә династиясе» номинациясендә Жирновлар гаиләсе җиңү яулады, «Фестивальдәге иң яхшы бал» номинациясендә Василий Петуховны билгеләп үттеләр.