Социаль Фондның Татарстан Республикасы буенча бүлеге гаилә бәйрәмен үткәрә
17 августта Россия Социаль фондының Татарстан Республикасы буенча бүлеге инициативасы белән Горький паркындагы зур аланда матур гаилә бәйрәме узачак.
«Ул 2016 елдан бирле үткәрәбез, казанлыларның гаиләләрен һәм республика башкаласы кунакларын тулы составта һәм яхшы кәефтә чакырабыз. Бәйрәм аланында сез ял итеп кенә калмыйча, балалар табибларыннан һәм психологлардан, шулай ук ана капиталы мәсьәләләре һәм балалы гаиләләргә башка социаль түләүләр буенча СФР бүлеге белгечләреннән бик күп файдалы мәгълүмат алачаксыз», – дип хәбәр итте РФ Социаль фондының Татарстан бүлеге башлыгы Эдуард Вафин.
Бәйрәм программасында: мавыктыргыч мастер-класслар, биоэнергетик күнегүләр, агач һәм прәннекләргә нәфис рәсемнәр ясау, яраткан мультфильм персонажлары белән фотога төшү, күңелле аниматорлар һәм аэрохоккей, кикер һәм өстәл футболын яратучылар өчен күңел ачу чаралары, «Трио-Тон» ялкынлы вокаль-инструменталь төркеме чыгышы.
Бәйрәмнең кульминациясе массакүләм видеоклип төшерү булачак, анда чарада теләгән һәркем катнаша алачак.
Бәйрәм сәгать 12:00дә башлана.
Фото: ТР буенча СФР сайты