Нурлатлылар республика рус җыры фестиваленнән бүләкләр белән кайтты

2024 елның 4 августы, якшәмбе

Әлеге чара менә өченче ел инде рәттән Яңа Чишмә районының Архангельск бистәсендә үткәрелә.

Быел да бәйрәм Татарстан Республикасының барлык почмакларыннан рус җырына талантлы һәм гашыйк җырчыларны җыйды.

Традиция буенча фестивальдә Нурлат районының Рус милли-мәдәни берләшмәсе дә катнашты. Аны «Нефтьче» Мамык авылы мәдәният йортының «Славяночка» рус җыры ансамбле тәкъдим итте.

Ансамбль "По такому поводу" җырына инсценировка куйды һәм грамотага лаек булды. Шулай ук аларга истәлекле бүләк - картина бүләк иттеләр.

«Тамашачылар безнең чыгышны җылы каршы алдылар. Ә без бәйрәмнең күңелле атмосферасын күтәрдек», - дип билгеләп үтте Нурлат районы Рус милли-мәдәни берләшмәсе җитәкчесе Юлия Магарина.