Нурлатта балигъ булмаганнар эшләре һәм аларның хокукларын яклау комиссиясенең киңәйтелгән утырышы узды
Мәдәният сараеның кече залында авыр социаль куркыныч хәлдә булган яшүсмерләр, балалар белән эшне оештыру турында фикер алыштылар.
Утырышта өч мәсьәлә каралды.
«2024 елның 6 ае нәтиҗәләре буенча Нурлат муниципаль районында балигъ булмаганнар арасында җинаятьчелек һәм хокук бозулар торышы турында» Россия Эчке эшләр министрлыгының Нурлат районы буенча юл йөрү кагыйдәләре бүлеге башлыгы Ринат Төхвәтуллин чыгыш ясады.
Җәй көне балигъ булмаганнар өчен җәмәгать урыннарында олылар озатуыннан башка тору өчен билгеләнгән вакытны (төнге вакыт дип атала) сакламау мәсьәләсе кискен күтәрелә.
2024 елның 6 ае нәтиҗәләре буенча ведомствоара социаль патронажлауны оештыру турында районның социаль яклау бүлеге җитәкчесе, муниципаль социаль-тернәкләндерү консилиумы рәисе Елена Афанасьева сөйләде.
Ә район Башкарма комитетының мәгариф бүлеге җитәкчесе Алсу Рәхмәтуллина 2024 елның җәйге каникул чорында профилактик учетта торучы балигъ булмаганнарның җәйге ялын, сәламәтләнүен, эшкә урнаштырылуын оештыру белән таныштырды.
Чыгыш ясаучылар ведомствоара эшнең иң кискен проблемаларына тукталдылар. Прокуратура хезмәткәрләреннән балигъ булмаганнарны һәм аларның гаиләләрен социаль куркыныч хәлдән чыгару өчен исәптә торучы гаиләләр белән эшләүнең сыйфатын һәм нәтиҗәләрен яхшырту буенча күп кенә сораулар һәм тәкъдимнәр килде.