Быел районда сәламәтлек мөмкинлекләре чикләнгән 31 нурлатлы эшкә урнаштырылган
Илшат Гыймадиев-2нче төркем инвалид, ул инде күп еллар Г.Хөсәенов исемендәге спорт мәктәбендә хезмәт куя.
Хезмәт күрсәтү буенча эшче-коллективта үз кешесе, ул мәктәп җитәкчелеге белән дә, хезмәттәшләре белән дә уртак тел таба, үз эшен ярата, ә үзен җәмгыятькә файдалы итеп тою аңа яшәргә көч бирә.
- Илшат Илгиз улы мәктәптә 10 ел эшли. Карусыз, күндәм, теләсә нинди эшне башкара ала. Безнең мәктәп ведомствосында берничә объект бар, аларны ел буе тәртиптә тоту өчен күп көч куярга кирәк. Ә Илшат Гыймадиев һәрнәрсәдә, әйтергә кирәк, уң кулыбыз, - ди мәктәп директоры Илсур Нәбиуллин.
Гомумән алганда, сәламәтлек мөмкинлекләре чикләнгән кешеләрне мәктәп өчен эшкә урнаштыру-өстенлекле юнәлешләрнең берсе. Быел биредә инвалидларны эшкә урнаштыруның юл картасы буенча 4 кешене эш белән тәэмин иткәннәр. Бу - 100 процент.
- Район башкарма комитеты карары белән ел башында ук инвалидларны эшкә урнаштыру өчен квота билгеләнә. Безнең мәктәп өчен бу 4 эш урыны. Без, гыйнварда штат расписаниесен раслаганда, бу категория гражданнары өчен билгеле бер күләмдә вакансияләр билгелибез. Быел, мәсәлән, бинага комплекслы хезмәт күрсәтү һәм ремонт буенча эшче һәм слесарь- сантехник белгечлекләре буенча эш урыннарын тәкъдим иттек. Халыкны эш белән тәэмин итү үзәге белгечләре ярдәмендә бу урыннарга инвалидларны эшкә урнаштырдык, – диде Илсур Әнәс улы.
Учреждениенең кадрлар хезмәтендә хәбәр итүләренчә, бу категориядәге гражданнарны эшкә урнаштыруга үз таләпләре бар. Алар өчен эш урыннарында барлык шартлар да тудырылырга тиеш, эш көне атнага 35 сәгатьтән артмаска тиеш, бәйрәм көннәрендә һәм эштән тыш вакытта аларның теләге буенча гына җәлеп итү рөхсәт ителә һ.б. коллективта бу таләпләр исәпкә алына.
Район буенча юл картасы буенча 53 эш бирүче эшли.
– Бүгенге көндә район территориясендә хезмәт яшендәге 1047 инвалид теркәлгән. Шуларның 281е эшли, бу 26,8 процент. Россия Федерациясе субъектлары өчен закон буенча мөмкинлекләре чикләнгән кешеләрнең гомуми санында эшкә сәләтле инвалидлар өлеше 40,6 процент тәшкил итәргә тиеш. Бу күрсәткечкә ирешү өчен, агымдагы елда юл картасы буенча 160 инвалидны эшкә урнаштыру планлаштырыла. Бүгенге көндә учреждениеләрдә, оешмаларда, предприятиеләрдә, авыл җирлекләре башкарма комитетларында, идарәче компанияләрдә 28 кеше эш тапкан. Бу бары тик 17,5 процент, - диде халыкны эш белән тәэмин итү үзәге директоры Ирек Камалов.
Юл картасы буенча планны 100 процентка үтәгәннәр арасында, Г.Хөсәенов исемендәге спорт мәктәбеннән тыш, «Городок», «Жилье г. Нурлат», Әхмәт, Гәйтән авыл җирлекләре башкарма комитетлары бар. Шул ук вакытта күрсәткечләре үзгәрмәгәннәр дә бар.
- Аларны бу юнәлештә эшне активлаштырырга чакырабыз. Инвалидларны эшкә урнаштыруда ярдәм итү дәүләт тарафыннан гарантияләнгән бит. Бу аларның тормыш сыйфатын яхшырту, җәмгыять тормышына тулырак һәм тигез хокуклы кушылу өчен кирәк, - дип саный Ирек Шаһризович. - Шуңа күрә без эш эзләүчеләр белән дә, эш бирүчеләр белән дә максатчан эш алып барабыз. Быел безгә эш эзләп мөрәҗәгать иткән барлык инвалидлар эшкә урнаштырылды.
Сүз уңаеннан, инвалидлар «Россия эше» мәшгульлек платформасы аша да эш таба ала. Монда эзләүне җиңеләйтү өчен махсус функционал каралган.