Нурлат районында бөртекле культураларны суктыруга керештеләр

2024 елның 16 июле, сишәмбе

Кырларга беренчеләрдән булып "Биләр" ВЗП ҖЧҖ һәм "Нурлат-Агро"чыкты.

Нурлат районында урып-җыю кампаниясе башланды. “Биләр" ВЗП ҖЧҖенең Колбай-Мараса отрядында бүген бөртекле культуралар суктыруга керештеләр.

Ашлык җыю комбайннары 515 га мәйданда «Фотинья» көзге бодай кырларында эшли. Ашлыкның дымлылыгы 14,5-14,7% тәшкил итә.

Бөртеклеләрне җыюга «Нурлат-Агро» хуҗалыгында да керештеләр. Монда да көзге культураларны суктыралар.