“Театр" скверында гаилә тормышы юбилярларын хөрмәтләделәр
Чара Татарстан Республикасы Дәүләт Советы депутаты Людмила Рыбакова катнашында узды.
Шәһәрнең үзәк мәйданында Россиядә 2008 елдан бирле рәсми рәвештә билгеләп үтелә торган Гаилә, мәхәббәт һәм тугрылык көнендә зур бәйрәм узды. Анда берничә буын нурлатлыларны берләштергән өйдәге уңайлылык һәм җылылык атсмосферасы хөкем сөрә. Ак чәчле әби-бабайлар янында балалар утыра, оныклары Һәм оныкчыклары уйный.
Бәйрәм озак еллар бәхетле никахта яшәгән, быел зөбәрҗәт, алтын, сапфир һәм рубин туйларын билгеләп үткән гаилә парларын тантаналы хөрмәтләүдән башланды. Бер-бер артлы сәхнәгә гаиләләр күтәрелә, алар гаилә бурычына тугрылык үрнәге белән тирә-юньдәгеләрнең хөрмәтен яулаган, сынаулар аша үз мәхәббәтләрен һәм тугрылыкларын саклап яшәп килүчеләр дә.
«Гаилә, мәхәббәт һәм тугрылык көне»н уздыру көнендә Россия буенча оештыру комитеты тарафыннан булдырылган җәмәгать бүләге - «Мәхәббәт һәм тугрылык өчен» медале белән Төхвәтуллиннар гаиләсе бүләкләнде, алар 55 ел тату гаилә булып яши.
Гаилә үз гомерен туган ягының тарихын, мәдәниятен, көнкүрешен саклауга багышлый, укытучы, туган якны өйрәнү музее җитәкчеләре була. Исламнур Исмәгыйль улы һәм Нәфисә Таһировна ике уллары - Илшат һәм Илнарны һәм матур кызы Миләүшәне үстерәләр һәм тәрбиялиләр. Гаиләдә оныклар үсә, алар да гаилә эшен дәвам итәргә - педагог булырга телиләр.
"Гаилә-җәмгыять ячейкасы. Балалар иң яхшы милли традицияләрдә тәрбияләнүче бәхетле гаиләләр күбрәк булган саен, ил көчлерәк һәм куәтлерәк булачак, киләчәккә ышанычлырак булырбыз», – дип билгеләп үтте Нурлат районы Башлыгы Дамир Ишкинеев үзенең сәламләү сүзендә.
ТР Дәүләт Советының Мәгариф, мәдәният һәм милли мәсьәләләр комитеты рәисе урынбасары Людмила Рыбакова 8 июльдә билгеләп үтелә торган гаилә һәм тугрылык бәйрәменең илнең яраткан һәм төп бәйрәме булуын теләде, чөнки бу дөньяда барысы да гаиләдән башлана, нәкъ менә әти һәм әни һәр кешенең тормышында төп кешеләр булып торалар, балаларының, оныкларының һәм, нәтиҗәдә, җәмгыятьнең язмышы алардан тора.
Сәхнәгә күтәрелгән 16 парның барысы да район башлыгы Дамир Ишкинеев һәм ТР Дәүләт Советы депутаты Людмила Рыбакова кулыннан бүләкләр һәм чәчәкләр алды.
Бәйрәм матур бәйрәм концерты белән тәмамланды.