Мамыктан Ванчуриннар Бөтенроссия форумында катнаштылар

Инде хәбәр иткәнебезчә, 6–9 октябрьдә Мәскәүдә уза торган тәрбиягә бала алган гаиләләрнең Бөтенроссия  форумында Татарстан Республикасын Мамык авылыннан  Ванчуриннар  гаиләсе тәкъдир итә. Союзлар йортының колонналар залында ачылган форумда Россиядән меңнән артык гаилә катнаша, бу инде шундый өченче форум икән. Ванчуриннар  форумнан зур тәэсирләр һәм яңалыклар белән кайтырлар дип уйлыйбыз, чөнки биредә тәрбиягә алган гаиләләр тормышына кагылышлы күп проблемалар күтәрелгән. Тагы да бер яңалык–Ванчуриннар тәрбиягә алган гаиләләр Республика Ассамблеясының  оештыру комитетына кертелгәннәр. Әлеге Ассамблея утырышы быелның ноябрь ахырына билгеләнгән, аңа кадәр Ванчуриннарга оештыру комитеты составында республикадагы һәм күрше Ульян, Самара өлкәләрендәге шушындый статустагы  һәм балалар алырга теләгән гаиләләрдә булып, тәрбиягә балалар алучыларның гаилә институтын үстерү буенча форумда кабул ителгән карарларны җиткерергә туры киләчәк.