Нурлат “Уяв”ы чуваш билбау көрәше буенча Турнир белән төгәлләнде
Уявның тамаша чараларының берсе булып Чуаш билбау көрәше буенча традицион турнир тора.
Традиция буенча, аны 14нче тапкыр Татарстан Республикасы Югары Суды судьясы, Татарстан Республикасының атказанган юристы, меценат, якташыбыз Александр Огонев оештырды. Үз үлчәү категориясендә җиңү өчен көрәшергә республиканың 9 районыннан һәм күрше Самара өлкәсеннән 60тан артык спортчы чыкты. Барлыгы шәхси зачетта 17 комплект медаль уйнатылды, командалар арасында да нәтиҗәләр ясалды.
"Бу турнирның ел саен яшьләрдә зур кызыксыну уятуы сөендерә. Көрәш аша алар патриотик тәрбия алалар, көчле рухка һәм тәнгә әвереләләр. Бу - Нурлатта спортны үстерүгә, яшьләрне тәрбияләүгә керткән өлеш», - диде Александр Сергеевич.
Һәрвакыттагыча, үз осталыкларын Чулпан көрәш мәктәбе көрәшчеләре күрсәтте, аның барлык спортчылары да диярлек призлы урыннар алды.
Һәр авырлык категориясендә һәм команда зачетында призерлар һәм җиңүчеләр грамоталар, медальләр һәм кубоклар, шулай ук оештыручылардан акчалата бүләкләр алдылар. Лаеклы бүләкләрне алар Нурлат районы Башлыгы Дамир Ишкинеев һәм турнирның спонсоры Александр Огонев кулыннан алдылар. Команда зачетында тренер Расих Сәмигуллин җитәкчелегендәге Чулпан көрәш мәктәбе командасы абсолют җиңүче булды.