Нурлатта Россия көнен билгеләп үттеләр
Россия көнен бәйрәм итү кысаларында яшь гражданнарга паспортлар тапшыру тантанасы булды. Яшүсмерләргә төп документларын Нурлат муниципаль районы Башлыгы Дамир Ишкинеев тапшырды.
"Алда сезне тормышның яңа этабы көтә. Димәк, сезгә кайчакта җитди, җаваплы карарлар да кабул итәргә туры киләчәк. Сезнең тормышта үз юлыгызны табачагыгызга ышанам, якташларыбызның данлы традицияләрен дәвам итеп, безнең төбәкне һәм илне тагын да көчлерәк итәргә тырышырсыз дип өметләнәм", - дип билгеләп үтте Дамир Азатович.
Кунаклар һәм шәһәр халкы Нурлат районы артистларының бай концерт программасыннан ләззәт ала алды.
Сәхнәдә талантлы башкаручылар чыгыш ясады, концерт программасы тамашачыларны номерларның төрлелеге белән шаккатырды. Ватан турында җырлар, хореография коллективлары һәм укучылар чыгышлары беркемне дә битараф калдырмады.
Иң якты вакыйгаларның берсе илнең триколор төсендәге аквагрим булды. Балалар һәм өлкәннәр, бердәмлек һәм патриотизм атмосферасы тудырып, йөзләрен Россия флагы төсләренә шатланып буядылар.
Кунакларга уңайлы булсын өчен, фудкортлар оештырылды, анда теләге булган һәркем тәмле ризык һәм татлы суларны сатып алып ял итте. Бөтен гаилә өчен оештырылган күп санлы мастер-класслар балаларның гына түгел, өлкәннәрнең дә игътибарын җәлеп итте, монда яңа һөнәрләргә өйрәнергә һәм файда белән вакыт үткәрергә мөмкин иде.
Шулай ук бәйрәм кысаларында “ Россия көнендә милли төсмердән бул” ("Надень народное на День России" Бөтенроссия акциясе узды, анда теләгән һәркем рус халык костюмын киеп катнаша алды.
Нурлатта илнең бу мөһим бәйрәме якты һәм шатлыклы үтте, анда һәркем үзенә ошаган шөгыль тапты.