Нурлатта чыгарылыш укучылары флешмоб куюда ярышты
Соңгы кыңгырау бәйрәме Нурлатта “Театр" скверында дәвам итте.
Монда шәһәр һәм авыл мәктәпләрен тәмамлаучылар флешмоб куюда катнашты.
Бәйрәм тантанасын Нурлат муниципаль районы Башлыгы Дамир Ишкинеев ачты. Ул чыгарылыш укучыларына имтиханнарны яхшы тапшырырга, укырга керергә һәм, белем алгач, туган шәһәрләренә әйләнеп кайтуларын теләде.
Барлык ата-аналар исеменнән район укытучыларына рәхмәт сүзләрен Сергей Трубкин җиткерде, аның кызы Мария быел шәһәр гимназиясен тәмамлый. 2019 елда Трубкиннарның олы кызлары Юлия рус теленнән БДИны 100 баллга тапшырган иде.
Хәзерге чыгарылыш сыйныф укучыларының сыйныф җитәкчеләренең теләкләре белән 1нче мәктәп педагогы Светлана Самаркина чыгыш ясады яңгырады.
Аннары чыгарылыш сыйныф укучылары бәйрәм кунакларына үзләренең чыгарылыш бию флешмобларын тәкъдим иттеләр. Бәйрәм районның үзешчән артистлары һәм «Шәһәр пижоннары» кавер-төркеме чыгышлары белән дәвам итте.