Галимҗан Хөсәенов исемендәге спорт мәктәбендә соңгы сыбызгы яңгырады

2024 елның 21 мае, сишәмбе

Мондый традиция спорт мәктәбендә күптән инде урнаштырылган, биредә уку елы гадәти гомуми белем мәктәпләрендәге кебек соңгы кыңгырау белән түгел, ә соңгы сыбызгы белән тәмамлана.

Тантаналы шартларда чыгарылыш укучыларына спорт әзерлеген узуны тәмамлау турында грамоталар һәм таныклыклар тапшырылды.

Тренерларга "Физик культура һәм спортны үстерүгә, сәламәт яшәү рәвешен пропагандалауга зур өлеш керткән өчен" рәхмәт хатлары тапшырылды.

Мәктәпне тәмамлаучыларга зур уңышлар, иминлек, бәхет, сәламәтлек һәм яңа якты җиңүләр теләделәр!