Нурлатның "Сугышчан туганлык" эзләү отряды "Волгоград язы" эзләү экспедициясендә катнаша
Бик зур эш башкардылар: бер атна эчендә 9 зур казу эшләре үткәрделәр.
57 күтәрелгән җәсәд арасында 3сендә исемнәрне билгеләргә мөмкин, табылган исемле кашыклары, медальоннар ярдәмендә аларны экспертизага җибәргәннәр. Алар арасында, табылган әйберләр һәм билгеләр буенча караганда, офицер җәсәденә тап булганнар.
"Уңай нәтиҗәләргә өметләнәбез. Аларның туганнары да табылыр дип ышанабыз, алар сугышчыларның калдыкларын үз теләкләре буенча мемориалда сугышчан иптәшләре арасында яки туган якларында җирләү өчен килә алачаклар, – дип уртаклашты отряд командиры Владислав Кузьмин. - Сүз уңаеннан, казу эшләре барган урын янында, Самофаловка авылында мемориаль һәйкәл бар, анда якташыбызның - «Сугышчан туганлык» әгъзасы Илназ Алишевның бабасы – И.М. Алишевның исеме уеп язылган. без мемориалда булдык, һәйкәл янына чәчәкләр салдык. Биредә Бөек Ватан сугышы елларында каты сугышлар була, анда безнең күп кенә якташларыбыз катнаша һәм һәлак була.
"Сугышчан туганлык" 2017 елдан бирле ел саен үз машиналарында экспедицияләргә китә. Хәзерге отрядта стажлы эзләүчеләр һәм бик яшь егетләр. Иң кечесенә 19 яшь, ә Казаннан килгән журналист-ветеран Римма Троицкаяга 78 яшь. Яше булуга карамастан, ул кулына көрәк тотып казуларда катнаша.
"Эзләү экспедицияләрендә катнашу-күңел кушуы. Мин 17нче тапкыр киләм,бу изге эшне дәвам итәргә уйлыйм – сугыш вакытында башын салган сугышчыларның җәсәдләрен тиешенчә җиргә тапшырырга. Бу буыннарны бәйләүче җеп өзелмәскә тиеш, һәм соңгы солдат хөрмәт белән күмелгәнче, безнең тукталырга хакыбыз юк. Меңләгән билгесез кешенең исемнәрен дистәләгән кеше ала, әмма моның өчен дә эзләүне дәвам итәргә кирәк», – дип сөйли эзләү отряды әгъзасы Юрий Кузьмин.
Киләсе сәфәрне отряд август аенда уздырырга планлаштыра, бу сезонда билгесез каберләрдән күтәрелгән кешеләрне тантаналы күмүдә катнашырга планлаштырыла. Хәзерге экспедиция агымдагы елның язын һәм җәен эшләүгә нигез сала. Анда бөтен Россиядән 26 отрядтан 500дән артык кеше катнаша.
Нурлат отряды җитәкчесе Владислав Кузьминга Россиянең иң яхшы өч эзләнүчесе арасында Волгоград өлкәсе губернаторы исеменнән «Сталинград сугышында җиңүгә 80 ел» билгесе тапшырылды.
«Мин аны 2018 елдан бирле бөтен “Сугышчан туганлык"ның казанышларын тану буларак кабул итәм. Егетләр бик күп эшләр башкардылар, безнең отрядта – чын патриотлар, Ватаныбызның тугры уллары», – дип билгеләп үтте Владислав Эникович.