Нурлат районында язгы кыр эшләренә әзерлек тикшерелә
Бүген Нурлат районында агросәнәгать комплексы оешмалары арасында конкурс кысаларында хуҗалыкларның язгы кыр эшләренә әзерлеген бәяләүче комиссия эшли. Комиссияне Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов җитәкли. Комиссия составына шулай ук «Россельхозцентр» ФДБУның Татарстан Республикасы буенча филиалы җитәкчесе Виталий Новичков, Дәүләт техник күзәтчелеге, Нурлат районы авыл хуҗалыгы һәм азык-төлек идарәсе белгечләре керде.
Комиссия техниканың язгы кыр эшләренә әзерлеген билгели, хезмәтне саклау таләпләрен үтәүне һәм күрсәткечләр буенча игенчелек буенча чараларны үтәүне тикшерә.
Комиссия эшендә беренче нокта булып «Агроинвест» ИК составына керүче «Южная» агрофирмасы тора. Комиссия әгъзалары ике бүлектә техник базаны карадылар, белгечләр, механизаторлар белән аралаштылар, шулай ук проблемалы мәсьәләләр буенча да фикер алыштылар.