Нурлатта "Театр һәм балалар" конкурсы узды
Кичә «Киләчәк» балалар иҗаты үзәге сәхнәсендә Нурлат укучылары ел саен үткәрелә торган «Театр һәм балалар» конкурсы кысаларында үзләренең актерлык осталыкларын күрсәттеләр.
Конкурс 3 яшь категориясе буенча узды, анда шәһәр һәм авыл мәктәпләре укучылары катнашты.
Компетентлы жюриның бертавыштан кабул ителгән фикере буенча, конкурсның гран-приен шәһәрнең 4нче мәктәбенең «Диалог» театр берләшмәсе ия булды. Алар “Алга үткәнгә" спектаклен тәкъдим иттеләр. Беренче урынга шәһәрнең 2нче мәктәбе укучылары лаек булды, жюри хөкеменә алар «Яшь Гвардия» спектаклен тәкъдим иттеләр. Призерлар арасында шулай ук шәһәрнең 1 нче мәктәбе, Якушкино мәктәбе һ. б. мәктәпләр укучылары да бар.
"Барлык катнашучылар да конкурска бик җитди әзерләнделәр, бу - декорацияләр, вак-төяккә кадәр уйланылган костюмнар, музыкаль куелыш. Минемчә, чарада катнашучыларның барысы да сәхнәдә куелган спектакльләрдән зур рәхәтлек тапты», – дип билгеләп үтте мәгариф идарәсенең тәрбия эше буенча методисты Татьяна Апполонова.