Андреевкада беренче тапкыр сайлауларда катнашучы студентлар «Мобиль сайлаучы» сервисыннан файдаланалар
Быел 10 андреевкалы беренче тапкыр ил лидеры сайлауларында катнашты.
"Яшьләребезнең Россия тарихындагы мөһим вакыйгага җаваплы каравы сөендерә. Бу көннәрдә туган авылына кайта алмаган күпләр алдан ук кайгыртучанлык күрсәттеләр – участок сайлау комиссиясенә, шулай ук дәүләт хезмәтләре Порталы аша мөрәҗәгать итеп, сайлаучылар исемлегенә кертү турында гариза бирделәр һәм, «Мобиль сайлаучы» сервисыннан файдаланып, үз тавышларын урыннарда бирделәр», – дип билгеләп үтте 2359нчы УИК рәисе Марина Тарасова.
Марина Анатольевна сүзләренчә, барлык яшьтәге андреевкалылар РФ Президентын сайлауда актив катнашалар. Беренче булып авыл җирлеге башлыгы Надежда Егорова үз тавышын бирде.
"Безнең участокта Андреевка авылыннан һәм III Съезд поселогыннан барлыгы 357 сайлаучы бар. Бу сәгатькә аларның 70 проценттан артыгы тавыш биргән», – дип билгеләп үтте УИК рәисе.