Ел саен 15 мартта Бөтендөнья кулланучылар хокуклары көне билгеләп үтелә
Бу бәйрәм кулланучыларның хокуклары һәм ихтыяҗлары турында глобаль хәбәрдарлыкны арттыру чарасы. Бу көнне үткәрү барлык кулланучыларның хокукларын хөрмәт итүне һәм яклауны таләп итәргә, шулай ук бу хокукларны бозучы базар җинаятьләренә һәм социаль гаделсезлеккә каршы протест белдерергә мөмкинлек бирә.
Бөтендөнья кулланучылар хокуклары көне бөтен дөньяда Берләшкән Милләтләр Оешмасы һәм башка халыкара оешмалар ярдәме белән билгеләп үтелә. 40 ел дәвамында Халыкара кулланучылар оешмасы кулланучыларның көнүзәк проблемаларын хәл итү өчен көчләрне мобилизацияләүгә ярдәм итү өчен төрле темаларга кампанияләр үткәрә.
2024 елда Бөтендөнья кулланучылар хокуклары көне темасы Кулланучылар өчен гадел һәм җаваплы ясалма интеллект дип билгеләнде.
Халыкара кулланучылар оешмасы белгечләре ассызыклаганча, узган ел генератив ясалма интеллект өлкәсендәге алгарышлар цифрлы дөньяда зур шау-шу тудырды. Кулланучылар тарафыннан бу технологияне кабул итү дә арта. Тиздән ул тормышның барлык өлкәләренә: эшкә, иҗатка, аралашуга, мәгълүмат эзләүгә зур йогынты ясый башлаячак.
Бөтендөнья кулланучылар хокуклары көнендә кулланучылар өчен гадел һәм җаваплы ясалма интеллект турында Глобаль сөйләшү булачак.
Татарстан Республикасы буенча Роспотребнадзор Идарәсенең Нурлат бүлеге (Татарстан).