Нурлатта "Созвездие-Йолдызлык" республика фестиваленең зона этабы уза
Шәһәр Мәдәният сарае сәхнәсендә ике көн дәвамында «Созвездие-Йолдызлык» XXIV һәр елны уздырыла торган эстрада сәнгате фестиваленең финалына чыгу өчен Татарстан Республикасының 8 районыннан яшь талантлар көрәшәчәк.
Аларның чыгышларын компетентлы жюри – Татарстан һәм Кырым Республикаларының атказанган сәнгать эшлеклесе, мактаулы остазы, «Созведие-Йолдызлык» фестиваленең генераль продюсеры Дмитрий Туманов җитәкчелегендәге танылган мәдәният һәм сәнгать эшлеклеләре бәяли.
Чыгышлар башланыр алдыннан зона этабында катнашучыларны һәм кунакларны Нурлат районы Башлыгы Дамир Ишкинеев сәламләде.
“Созвездие-Йолдызлык" фестивале сәхнәсе бик күп балаларга тормышка юл ачты. Сәхнәгә чыкканда, сезнең һәрберегез шуны аңларга тиеш: бу сезнең иҗади тормышыгызның зур юлы. Барлык катнашучыларга да яхшы кәеф телим, һәр мизгел шатлык һәм бәйрәм белән тулы булсын, үз казанышларыгыз шатлык хисе китерсен», – дип мөрәҗәгать итте ул катнашучыларга.
Жюри әгъзалары-РФ атказанган артисты, ТР халык артисты Раилә Гарипова һәм Дмитрий Туманов та сәхнәдән үз теләкләрен җиткерделәр.
«Созвездие-Йолдызлык»та күпмилләтле халкыбыз мәдәниятенең мәдәни кодын саклауга зур игътибар бирелә», – дип билгеләп үтте Дмитрий Александрович.
Ике көн эчендә 1 меңгә якын яшь талант үз осталыкларын төрле яшь категорияләрендә «Хореография», «Вокал-соло», «Вокаль ансамбльләр» һәм «Конферанс» номинацияләрендә күрсәтәчәк. Нурлат районын 250ләп бала тәкъдим итәчәк, алар 30лап номер күрсәтәчәк.
Иртәгә, 13 мартта, шәһәр Мәдәният сараенда 18.00 сәгатьтә гала-концерт узачак, аның кысаларында зона этабы җиңүчеләрен бүләкләү узачак.