Нурлатта шахмат һәм шашка буенча турнирлар узды
Кичә Нурлатта Халыкара хатын-кызлар көненә багышланган хатын-кызлар арасында шахмат һәм шашка буенча турнирлар узды. Шахматта 9 кеше катнашты. Уен әйләнә системасы буенча барды. Нәтиҗә таблицасы болай бүленгән: ике катнашучы Җәмилә Мингалиева һәм Анастасия Глухарева бертигез балл җыйган. Өстәмә күрсәткечләр буенча исәпләгәндә беренче урынга Анастасия Михайловна чыкты, Җәмилә Миңрахман кызы 2 урынга лаек булды. Өченче урынга Алия Мөхәммәтова чыкты.
Шашкада Нурлат җирле сукырлар җәмгыяте оешмасының 4 катнашучысы уйный. Чемпион булып Сәймә Мортазина, икенче урынны Вера Козлова алды. Өченче урында Людмила Тимофеева.
"Хатын-кызлар бик дөрес уйнадылар, көндәшләрен хөрмәт иттеләр. Алар тагын бер тапкыр үзләренең осталыкларын һәм интеллектуаль сәләтләрен күрсәттеләр", - дип билгеләп үтте турнирны оештыручылар Олег Павлов һәм Галия Мөхтәсимова.
Барлык призерларга Нурлат муниципаль районы Башкарма комитетының яшьләр эшләре һәм спорт бүлегеннән кыйммәтле бүләкләр, медальләр һәм грамоталар тапшырылды.