Нурлат журналистлары гаилә медиа сабан туен үткәрде
Кичә «Ак Барс» спорт Үзәге территориясендә «Нурлат-информ» филиалы коллективы традицион кышкы медиа сабан туен үткәрде.
Безнең белән бергә журналистларның балалары, оныклары, шулай ук хөрмәтле ветераннар да уңай кәеф туплады, кыскасы, монда бөтен дус медиа гаилә җыелды. Бу бик символик булды, чөнки агымдагы ел Гаилә елы дип игълан ителде.
Спорт эстафетасы өлкәннәрне һәм балаларны берләштерде, без рәхәтләнеп уйнадык, күңел ачтык. Бәйрәм гаиләдәге кебек җылы, күңелле булды. Һәр гаилә алдан әзерләнгән: исем, девиз, эмблема уйлап тапканнар. Һәр үтәлгән бирем өчен командаларга ачык төстәге лалә чәчәге рәвешендә фишкалар бирелүе дә чарага бәйрәм кәефе өстәде.
"Безнең коллективның матур традициясе бар – медиа сабан туен үткәрү. Быел без аны ике бәйрәмгә – Ватанны саклаучылар көненә һәм 8 Мартка багышладык. Без вакытны да күңелле үткәрәбез, ял да итәбез, бу коллективны берләштерү планында да бик мөһим», – дип билгеләп үтте «Нурлат - информ» ның баш мөхәррир-җитәкчесе Резеда Гиняева.
Бу көнне иң зур команда Әбҗәпбаровлар гаиләсе иде. Рузил, Айгөл, ул Нурлат телевидениесенең баш инженеры булып эшли, кызлары Сафия һәм Лия, шулай ук гаилә башлыгының әнисе Миңнегөл Мингәрәй кызы, лаеклы ялга чыкканчы бездә баш бухгалтер булып эшләде, үз командаларын «АБВГДЕЙКа»дип атаганар. Нәкъ менә алар кышкы медиа сабан туе җиңүчеләре булдылар, икенче урында-«Икәү көймәдә» командасы (Хәсәншиннар), 3нче урында – «Спорт» командасы (Абдуллиннар). Алар, шулай ук ярышларда катнашучыларның барысы да «Нурлат - информ»ның баш мөхәррир-җитәкчесе Резеда Гиняева кулыннан интерактив күргәзмәгә грамоталар һәм бүләк – билетлар алдылар.
Спорт ярышларыннан соң без шулай ук өстәлгә янында җыелдык, хуш исле пылау, кайнар чәй, тәм-томнар белән сыйландык.