Нурлатта йортлар да, мәктәпләр дә, ишегаллары да яңартылачак

2024 елның 3 марты, якшәмбе

Республика программалары кысаларында эшләр агымдагы елда да дәвам итәчәк.

Район Башкарма комитетының төзелеш бүлеге мәгълүматлары буенча, 9 күпфатирлы йортны һәм 2нче номерлы шәһәр мәктәбен капиталь ремонтлау планлаштырыла, 8нче номерлы мәктәптә спорт залын төзү каралган.

«Безнең ишегалды» программасы буенча быел 13 ишегалды территориясе төзекләндереләчәк, дип хәбәр иттеләр район Башкарма комитетының архитектура һәм шәһәр төзелеше бүлегеннән.