Кизләү авылыннан Әхмәтовлар махсус хәрби операция уздыру зонасындагы якташларыбызга оптик прицел алып җибәрде
Әлеге приборны сугышчылар өчен Салават һәм Фәнүзә Әхмәтовлар сатып алган.
Аны сатып алу өчен акчаны алар пенсияләреннән җыеп килгәннәр, ләкин аның бәясе әйтелми. "Бүләкнең бәясе әйтелми", диделәр алар.
Гомумән, Кизләүдә, районның башка авылларындагы кебек үк, зур волонтерлык эшчәнлеге җәелдерелгән. Авыл халкы сугышчыларга һәрьяклап ярдәм күрсәтә. Авылда Илшат һәм Әлфинур Хәсәнҗановлар йорты кирәкле әйберләрне җыю урыны булып тора: аларга кизләүлеләр бәрәңге, кишер, суган һәм башка авыл хуҗалыгы продукциясен алып киләләр. Боларның барысын да алар Нурлатка «Җиңү өчен тәм-томнар» волонтерлар төркеменә илтәләр.
Хәзерге вакытта махсус хәрби операциядә 13 кизләүле катнаша, алар мобилизацияләнгәннәр дә, «контрактчылар»да. Авылдашлар алар белән горурланалар һәм зур теләк белән һәрьяклап ярдәм күрсәтәләр.
Шушы көннәрдә генә Нурлаттан алгы сызыкка гуманитар ярдәм белән чираттагы партия, шул исәптән кизләүлеләр җыйган акчага сатып алынган генератор, тепловизор, квадрокоптер, җирле мәктәп укучыларыннан һәм өлкәннәрдән 150 окоп шәмнәре җибәрелде.