Нурлатлыларга капиталь ремонт өчен компенсация билгеләү һәм түләү турында сөйләделәр
Пенсионер Иван Демидов гомер буе Совет урамындагы өч катлы йортта яши
Коммуналь хезмәтләр өчен вакытында түли, ә шушы көннәрдә очраклы рәвештә «коммуналка»турында сөйләшкән ике күрше хатын-кызның сөйләшүен ишеткән. "Ә мин инде берничә ел капиталь ремонт өчен түләмим. Миңа 70 яшь бит, – дип аларның сөйләшүеннән өзекне ишетә олы яшьтәге ир-ат. - Миңа 74 яшь, мин 3 төркем инвалид, ә капиталь ремонт өчен түләдем дә, түлим дә. Бәлки мин күршене дөрес кенә аңламаганмындыр? Яки барлык пенсионерларга да мондый ташламалар бирелмиме? - Иван Терентьевич район газетасы редакциясенә шалтыратып, үз кичерешләре белән телефон аша уртаклашты.
Без мәсьәләне җентекләп язып алып аны республика матди ярдәм үзәгенең 33нче бүлек мөдире Әлфия Сараевага тапшырдык.
- 70 яшьтән өлкәнрәк булган торак милекчеләренә күпфатирлы йортта гомуми милекне капиталь ремонтлауга взнос түләү чыгымнарын компенсацияләү бирелә, - диде ул. - Ләкин кайбер шартлар бар: алар эшләми, ялгыз яки эшләми торган пенсионерлар, I яки II төркем инвалидлар кебек үк гаилә составында яшәргә тиеш.
Компенсация айга бер квадрат метр фатирга капиталь ремонт өчен минималь взнос күләменнән һәм аның мәйданының күләменнән чыгып исәпләнә. Әгәр андый милекчегә 70 яшь булса, компенсация 50 процент тәшкил итәчәк, ә 80 һәм аннан да күбрәк яшь булса, 100 процент.
Әгәр андый милекчеләр башка норматив хокукый актлар нигезендә капиталь ремонтка взнос түләү буенча компенсация алырга хокуклы икән, аларга инде 50 процент күләмендә компенсация түләнә. 80 яшькә җиткәч, бу категориядәге гражданнарга тагын 50 процент бирелә, бу гомуми суммада 100 процент тәшкил итәчәк.
- Әйтик, 1 яки 2 төркем инвалидлар, хезмәт ветераннары, Татарстанның дәүләт бүләкләре белән бүләкләнгән затлар 70 яшьтән өлкәнрәкләр башка законнар нигезендә капиталь ремонтка 50 процент күләмендә субсидия-ташлама ала. 80 яшь тулгач, әлеге гражданнарга капиталь ремонт өчен компенсация өстәләчәк һәм 100 процент тәшкил итәчәк, – дип мисал китерде Әлфия Рәшидовна.
Ә Иван Демидовка килгәндә, ул компенсация ала. Ләкин квитанция счетларында «капиталь ремонт» дигән юл барыбер калганлыктан, аның шикләре дә туган. Компенсация билгеле бер яшькә җиткәч автомат рәвештә билгеләнә, бу хакта беркая да мөрәҗәгать итәргә кирәкми. Ләкин сораулар барыбер калса, 33нче бүлектә сезне кабул итәргә һәм аларга җавап бирергә һәрвакыт әзер.