Нурлат шахматчылары шахмат буенча район Чемпионатында катнашалар
Район чемпионаты узган елның 2 декабрендә старт алды. Ял көннәрендә беренчелектә катнашучылар, ә алар бу сезонда 17, шәһәр Мәдәният сараенда җыелалар.
Быел чемпионат тарихында беренче тапкыр катнашучылар исемлегенә берьюлы өч укучы кертелде. Аларга, әлбәттә, районның тәҗрибәле шахматчыларына каршы уйнау авыр. Шулай да кайберәүләр, мәсәлән, Айдар Һадиев һәм Адриан Соловьев лидерлардан очколар алырга өлгерде, Роберт Сәмәрханов та тырыша.
Чемпионат шахматчыларның актив катнашуында уза. Уеннар вакытында җылы дуслык атмосферасы хөкем сөрә һәм көрәш белән мавыккан катнашучыларны күзәтүе бик күңелле.
Шахмат сәнгате белән мавыккан катнашучыларның ирекле взнослары ярдәмендә күптән түгел заманча сәгатьләр һәм бер төрле фигуралар сатып алганнар. Бу да бик күңелле, чөнки элек төрле калибрлы фигураларда, примитив сәгатьләрдә уйнаганнар.
Шахмат турнирының баш судьясы, шулай ук район тарихында беренче тапкыр, Спорт разрядларын бирү вәкаләте булган Биектау районыннан 1 категорияле судья Павел Иванов. Чемпионатны уздыру белән шахмат-шашка клубы җитәкчесе Олег Павлов җитәкчелек итә.
Беренчелек 3 мартка тәмамланырга тиеш, әмма катнашучыларның активлыгы югары булу сәбәпле, бәлки, иртәрәк тә узар әле. Аннары, традиция буенча, Чемпионат нәтиҗәләре буенча шахмат буенча район кубогы уйнатылачак.
Михаил Безруков, чемпионат судьясы