Кош гриппы таралуны контрольдә тоту яки ни өчен кошларны ябып тотарга кирәк
Анда Нурлат ветеринария табиблары видеоконференция режимында катнашты.
- Узган ел Россиядә югары патогенлы кош гриппы таралуның 75 очрагы теркәлгән. Ул Россиянең 33 субъектында ачыкланган. Бу йогышлы авыру Идел буе федераль округында тиз тарала. Грипптан зыян күргән төбәкләр арасында Татарстан да бар. Ә бу куркынычсызлык чараларын көчәйтүне таләп итә, - диде район дәүләт ветеринария берләшмәсе башлыгы Илнур Хәнәфиев.
- Шуңа күрә районда кош-корт һәм кошчылык продукциясен кертү, кыргый һәм йорт кошларын гриппка мониторинглауны контрольдә тоту көчәйтеләчәк. Шул ук вакытта кошчылык хуҗалыклары территориясендә кыргый кошларның очып керүенә юл куймаска, кош-кортны ябык режимда тотарга кирәк. Кош-кортны, инкубацион йомыркаларны, азыкны санкцияләнгән урыннарда гына сатып алырга кирәк. Ветеринария белгечләренә кош-кортның кинәт үлеме яки бер үк вакытта массакүләм авыру очраклары, шулай ук аларның гадәти булмаган тәртибе турында хәбәр итәргә. Белгечләр килгәнче кош-кортларны изоляцияләү чараларын күрергә.