Нурлат районында гражданнар җыеннарында хуҗалык итүнең кече формаларын үстерү мәсьәләләренә аерым игътибар бирелә
Барлык авыл җирлекләрендә халык алдында районның авыл хуҗалыгы һәм азык-төлек идарәсе начальнигы чыгыш ясый.
Агымдагы елның 18 гыйнварыннан Нурлат муниципаль районы авыл җирлекләрендә 2023 ел йомгаклары һәм 2024 елга бурычлар буенча гражданнар җыеннары уза. Очрашулар быел Татарстан Республикасы Авыл хуҗалыгы һәм азык - төлек министрлыгының Авыл хуҗалыгы һәм азык-төлек идарәсенең актив катнашуында уза-идарә башлыгы Ирек Шәрәфетдинов фермер хуҗалыкларының һәм крестьян хуҗалыкларының 2023 елдагы хуҗалык эшчәнлеге нәтиҗәләре белән таныштыра һәм авыл җирлекләрендә хуҗалык итүнең кече формаларын үстерү буенча бурычларны билгели. Шулай ук үз чыгышында ул җыеннарда катнашучыларны агымдагы елга ЛПХ, КФХ һәм авыл хуҗалыгы кооперативларына дәүләт ярдәме программалары белән җентекләп таныштыра, килгән мәсьәләләр буенча аңлатмалар бирә.
Традиция буенча авыл җирлекләрендәге җыеннар 4 һәм аннан да күбрәк савым сыерлары булган шәхси ярдәмче хуҗалык хуҗаларына сыер саву аппаратларына сертификатлар тапшыру белән тәмамлана. Бу юлы районда яшәүче 16 кешегә сыер саву аппаратлары сатып алу өчен субсидияләр биреләчәк