Дамир Ишкинеев якташларыбыз белән очрашты
Бүген түгәрәк өстәл артында Нурлат районы башлыгы Дамир Ишкинеевның мобилизация буенча һәм контракт нигезендә махсус операциядә катнашучылар белән очрашуы узды.
Алар берничә көн элек кенә махсус хәрби операция зонасыннан кыска вакытлы ялга килгәннәр.
Дамир Ишкинеев белән чәй эчкәндә алар хезмәт хакы турында сөйләделәр, шулай ук район җитәкчелегенә, нурлатлыларга, «Сугышчан туганлык»ка һәрьяклап ярдәм иткәннәре, якыннары турында кайгыртканнары өчен чын күңелдән рәхмәт белдерделәр.
Дамир Ишкинеев сугышчыларның көнкүреше белән генә түгел, ә аларның проблемалары белән дә кызыксына.
"Без барыбыз да сезнең өчен борчылабыз һәм тизрәк исән-имин әйләнеп кайтуыгызны көтәбез. Барлык яңалыкларны күзәтеп барабыз. Бездә тынычлык булсын өчен, Ватанны саклаганыгыз өчен зур рәхмәт», – диде Дамир Ишкинеев.
Сугышчыларның берсе район җитәкчелегенә кыска вакыт эчендә машина йөртү таныклыгы алуда ярдәм сорап мөрәҗәгать итте. Гуманитар сәяхәтләрне оештыручы Владислав Кузьмин билгеләп үткәнчә, алгы сызыктагы егетләрнең тагын бер үтенече бар – алар спутник элемтәсе чараларын сатып алуда ярдәм итүләрен сорыйлар, чөнки элеккегеләре дошман ягыннан чираттагы ут аркасында сафтан чыккан.
Айс кушаматлы хәрби өчен бу беренче отпуск, контракт буенча хезмәткә ул узган елның маенда киткән. Хәзер 24 яшьлек көрәшче тормышындагы иң мөһим вакыйганы – беренче баласының тууын көтә.
Очрашу истәлеккә фотосурәткә төшү белән тәмамланды.