Нурлатның "Фанат" клубы спортчылары чираттагы ярышларда лаеклы чыгыш ясады

2024 елның 6 гыйнвары, шимбә

Яңа ел каникуллары көннәрендә, 4-5 гыйнварда, Бөгелмәдә бокс буенча Раштуа турниры узды.

Анда Урал спортчылары белән беррәттән Әлмәт, Казан, Лениногорск, Бөгелмә һәм Татарстанның башка шәһәрләреннән иң көчле вәкилләр катнашты.

Безнең егетләр тагын «Фанат» клубы спортчыларының югары сугышчан рухын һәм осталыгын күрсәттеләр: 44 кг категориясендә Руслан Мөзамәтҗанов 1нче урынны алды, Денис Сидимиров 57 кг категориясендә шулай ук пьедесталның югары баскычын алды. Рамазан Низамов җиңүгә омтылыш өчен бүләк алды.