Нурлат районы Башлыгы тыл хезмәтчәнен 95 яшьлек юбилее белән котлады
Район Башлыгы Дамир Ишкинеев аны тормышындагы истәлекле дата белән котлады. Чәчәкләр һәм бүләкләр белән бергә ул аңа шулай ук Россия Федерациясе Президенты Владимир Путинның котлау открыткасын тапшырды.
"Сезнең өлешегезгә Бөек Ватан сугышының авыр сынаулары, сугыштан соңгы елларның авырлыклары, михнәтләре төште. Рәхмәт Сезгә! Рух күтәренкелеген, сәламәтлек һәм бары яхшылык телибез”, - диде ул хезмәт ветеранына җылы теләкләрен белдерде.
“Сәламәтлек һәм озын гомер һәркемгә. Игътибар һәм кайгырту күрсәтүегез өчен рәхмәт», – диде тыл хезмәтчәне Дамир Азатовичка җавап итеп.
Әнвәр Акмал улы Җиһаншин Зеленодольск районыннан. Яшьлеге авыр сугыш елларына туры килә, мәктәпне тәмамлаганнан соң колхозда эшли. 1951 елда Магнитогорскка китә, кирпеч заводында эшли. Булачак хатыны Зәкия Галләмовна белән Курган өлкәсенең Шадринск шәһәрендә таныша, анда ул үзенең хезмәт эшчәнлеген хәрби заводта дәвам итә. 1955 елда яшьләр өйләнешәләр, никахта аларның биш баласы туа.
Нурлат шәһәренә күченгәннән соң Әнвәр Акмалович НУБРда шофер булып эшли, аннан пенсиягә китә. «Хезмәт ветераны» исеменә ия, «1941-1945 еллардагы Бөек Ватан сугышы елларындагы тырыш хезмәте өчен» медале һәм Җиңү көненә юбилей медальләре белән бүләкләнгән.
Алар 68 ел бәхетле никахта яшиләр. Кызганычка каршы, Зәкия Галләмовна агымдагы елның февралендә вафат булган.
Бүген Әнвәр Акмал улы кызы Фәйрузә Җиһаншина белән яши, 8 оныгы һәм 11 оныкчыгының уңышларына шатланып гомер итә.