Нурлат тимер бетон эшләнмәләре заводы шушы көннәрдә үз лабораториясен ачуга лицензия алды
Якын арада биредә җитештерелгән күп санлы бетон әйберләр төрләре фундамент блоклары, кое боҗралары, тротуар плиткасы, юл һәм плитәләр, бордюр ташлары һ.б. ГОСТ стандартлары буенча салкынга чыдамлык, дымлылык һәм ныклык сыйфаты тикшереләчәк.
Шәһәрдә ЖБИ заводын торгызу буенча эшләр узган елның октябрендә башланган, һәм бер елдан артык вакыт эчендә монда сизелерлек үзгәрешләр булган.
-Сәгатенә 60 кубометр бетон җитештерүчәнлеге булган куәтле эремә-бетон төенчек урнаштырдык, автомиксер, фронталь йөк төягеч сатып алдык, фасовкалау производствосын эшләтеп җибәрдек, – дип санап үтте «ОКПРОФ» ҖЧҖ директоры Алмаз Ибраһимов.
Тимер-бетон эшәләнмәләр нурлатлылар арасында ихтыяҗ белән файдаланыла, шуңа күрә өч ай эчендә 2800 кубометр бетон җитештерелгән. Хәзерге вакытта предприятиедә 15 кеше эшли. Әмма якын киләчәктә җитәкчелек, заводны ел әйләнәсе тимер-бетон әйберләр җитештерүгә күчергәннән соң, 60 кеше өчен эш урыннары булдырырга ниятли. Бу максат белән бүген биредә киң эшчәнлек алып барыла: заводның киптерү цехын җылылык белән тәэмин итү, бетон җитештерү өчен инерт материаллар сатып алу буенча сөйләшүләр алып барыла, цемент һәм башка сыек төзелеш материалларын фасовкалау линиясе монтажлана.
– Күптән түгел без бүгенге көндә керамблоклар җитештерә торган тагын бер база сатып алдык, - дип билгеләп үтте Алмаз Ринатович.
Шушы көннәрдә заводка район Башлыгы Дамир Ишкинеев килде. Лаборатория һәм цехларны карап чыгып, биредә җитештерелгән әйберләрнең төрләре, предприятиенең мөмкинлекләре һәм куәтләре белән танышып, ул аның эшенә югары бәя бирде.
- Биредә станок паркының яртысы сафка кертелгән инде, эшчеләр өчен вагон-йортлар ясала, җитәкчелек автомат эретеп ябыштыру җиһазларын да торгызырга планлаштыра, – дип билгеләп үтте ул. - Предприятие тимер-бетон әйберләр җитештерүне үстерүгә юнәлдерелгән. Әлбәттә, аның киләчәге бар.