Нурлатның яшь гимнастлары Мәскәүдә чираттагы җиңүләрен яулады
Узган ялларда Нурлат шәһәренең яшь гимнастлары илебез башкаласында узган нәфис гимнастика буенча традицион «Кышкы әкият» ярышларында катнаштылар. «Омтылыш» нәфис гимнастика студиясе шөгыльләнүчеләре быел да ярышларда лаеклы чыгыш ясап, 4 алтын, абсолют рекорд һәм 1 бронза медаль алдылар.
Иң кечесе, Гөлназ Фәтхетдинова (2019 елда туган), ерак юлдан соң бераз дулкынланса да, өченче урынга чыга алды.
Студиянең иң перспективалы гимнастларының берсе Феодосия Колесникова һәм Сәминә Хәбибрахманова (2016 елгы) үз программаларын яхшы күрсәттеләр һәм пьедесталның беренче баскычына күтәрелә алдылар.
Предмет белән чыгыш ясауда беренче адымнарын ясаучы Мәрьям Хәбибуллина (2014 елда туган), беренче тапкыр скакалка чыгыш ясавына карамастан, тырыш хезмәт һәм максатчан кәеф аркасында, үз яшь төркемчәсендә беренче урынга чыкты.
Тәрбияләнүчеләрнең иң өлкәне Эмилия Сәгъдиева (2010 елгы) туп белән чыгыш ясады. Ул үз программасын чиста, югалтуларсыз узды һәм бер төрдәге төркемчәдә лаеклы алтын алды. Шулай ук ул, иң яхшы катнашучыларның берсе буларак, «Иң яхшы гимнаст 2023 RG Ghild League» статуэткасына лаек булды.
"Статуэтканы шәхсән үземә тапшырдылар, алга таба да шундый нәтиҗәле эшне ныклык белән алып барырга һәм Нурлат шәһәрендә нәфис гимнастика кебек искиткеч спорт төрен үстерүне дәвам итәргә, дигән теләк юлладылар», – дип билгеләп үтте кызлар тренеры Зифа Сәгъдиева.